ياشهيد نام واتهنى .. هما فى نار وانت فى جنة

ياشهيد نام واتهنى .. هما فى نار وانت فى جنة

الخميس، 31 مارس 2011

انا نازل للتحرير والعيال المستقرة تنقطنا بسكاتها


انا نازل التحرير يوم الجمعه نصف ثورة معنها انك تحفر قبرك بيدك , اللى مش هينزل ينقطنا بسكاته ويفكه بقى من حوار الاستقرار ده لو انت عيل مستقر احنا مش مستقرين احنا عايزين حق البلد كامل مش هنعمل ثورة بالتقسيط .

دماء الشهداء ليست بهذا الرخص لنصمت على حركة السلحفاه التى يعاملنا بها الجيش , اشمعنى القانون العسكرى بيطبق على  الشعب الغلبان والمعتصمين فى التحرير وكلية الاعلام والثلاثى المرح بيبرطع فى البلد, ومبارك قاعد فى شرم الشيخ عادى والاكل اللى بيطفحه من فرنسا  لاازم يتحاكم على كل الجرايم اللى عملها فى حق الشعب 30 سنة , والحيزبون مراته رايحه جايه على القاهرة هى وابن امه جمال
فتحى سرور اللى كان ركن من اركان نظام مبارك بيطلع فى الاعلام بعد الثوره وعايز يفهمنا انه كان من اول يوم مع الثوره !ا فتحى سرور لازم يتحاكم زكريا عزمى لازم يتحاكم صفوت الشريف لازم يتحاكم..احمد نظيف وكل رؤوس الفساد...علشان كدا انا نازل يوم الجمعه 1 ابريل..علشان كل رؤوس الفساد تتحاكم
المساجد والكنايس اللى هنخرج منها يوم الجمعه 1 ابريل باذن الله

القاهرة:

--------

... مسجد مصطفى محمود فى المهندسين

مسجد النور فى العباسية

كنيسة السيدة العذراء والأنبا بيشوي بالعباسية

مسجد رابعه العدوية فى مدينة نصر

كنيسة القديسة العذراء والقديس أثناسيوس مدينة نصر

مسجد عمر مكرم فى التحرير

مسجد حسين صدقى المعادى

مسجد الاوقاف المعادى

كنيسة السيدة العذراء المعادى

مسجد المراغى فى حلوان

مسجد الفتح فى رمسيس

مسجد الحصرى فى 6 اكتوبر

مسجد الحسين - الازهر - العتبه

مسجد السلطان حسن والرفاعى فى السيده عائشه

مسجد الخزنداره فى شبرا

كنيسة الأنبا أنطونيوس شبرا

((التجمع فى ميدان التحرير))

=================

الاسكندرية:

-------------

مسجد القائد ابراهيم بمحطة الرمل

كنيسة المرقسية - محطة الرمل

مسجد شرق المدينه بالعصافره

((التجمع هيكون عند ميدان سيدى جابر ))

=======================

محافظة السويس:

--------------------

مسجد سيد الغريب

مسجد السيد حمزة

===================

محافظة الدقهلية - المنصورة:

------------------------------------

مسجد الموافى

مسجد المصطفى

===================

محافظة المنيا:

----------------

مسجد الفولى

كنيسة السيدة العذراء

===================

محافظة اسيوط:

----------------

مسجد السلطان الفرغل

مسجد خشبة

مسجد الهلالى

===================

محافظة سوهاج:

---------------------

مسجد العارف بالله السوهاجى

===================

الغردقة:

------------------

مسجد الناصر

===================

محافظة بورسعيد:

--------------------

مسجد السلام

===================

محافظة الشرقيه:

--------------------

مسجد التوحيد فى بلبيس

مسجد كفر الحوت فى فقوس

===================

محافظة الغربية:

-----------------

مسجد الاحمدى

مسجد السيد البدوى

كنيسة مارى جرجس

===================

محافظة الاسماعيلية:

------------------------

مسجد ابو بكر الصديق






الاثنين، 21 مارس 2011

تحديث.. تليفون ام الشهيد خالد سعيد كلموها ارقام امهات الشهداء.. .انا والاستفتاء والاخوان والسلفية والحزن الوطنى

.

0109283502

دا تليفون ليلى هانم والدة الشهيد خالد سعيد

كلموها وقولوا لها كل سنه وانتي طيبه يا أمي

الأرقام،، من جروب كلنا خالد سعيد

الشهيد أحمد بسيوني
0164455070
الشهيد أحمد عبد الرحيم السيد
0101101898
الشهيد أحمد إهاب محمد فؤاد عباس
0222741042
الشهيد إبراهيم رضا محمد
0161164719
الشهيد إبراهيم سمير أحمد محمد سعدون
0122995120
الشهيد مصطفى العقاد
0101974108
الشهيد مصطفى الصاوى
0199616141
الشهيد إبراهيم علي صالح
0146331935
الشهيد أحمد سالم عيسي محمد
0179750765
رفح منزل
086- 3300218
الشهيد أحمد سمير السيد
المنزل القاهرة
23200620
0127365625
الشهيد أحمد صابر مصطفي
0195594174
الشهيد أحمد عبد الرحيم السيد
0101101898
الشهيد أحمد عبد العاطي سيد
0119967385
0194966039
الشهيدة أميره سمير السيد دويدار
 
0124942836





متاكد ان النتيجة ستخرج ب"نعم" وعلى الرغم من انى قلت "لا" لكن سنحترم راى الاغلبية ومن الان كلنا موافقون على التعديلات الدستورية لكن على ان اوضح بعض الامور التى لاحظتها وفى البداية انا لا اشكك فى نتيجة الاستفتاء ولكن بامانه شديدة هى لاتعبر عن الراى الحقيقى لان هناك اساليب استخدمت اثرت بشدة على السواد الاعظم للشعب واهمهما اللعب باسم الدين والمادة الثانية من الدستور .

ساتحدث عن ماشاهدته فى قريتى طنبشا التابعة لمركز بركة السبع محافظة المنوفية  انا ذهب للجنة فى الصباح وكما كنت متوقع بالظبط الاخوان كانوا جاهزين وحاشدين انفسهم بكل قوة  ولاول مرة فى حياتى ارى الاخوان والحزب الوطنى والنازلين الجدد للعبة السياسية السلفين ايد واحدة .

كانت هناك سيارات خاصة بالاخوان والسلفية تاتى بالنساء كبار السن والاميين للتصوين بنعم رغم ان اغلبيتهم لايعلمون على ماذا يصوتون  وانا هنا اعذر الناس لان الاعلام  لم يلعب دورة بطريقة صحيحة كما ان الوقت غير كافى للشباب ليوضحوا مزيا وعيوب نعم ومزيا وعيوب لا ونسبة الامية منتشرة بكثرة فى الريف.

نعود سريعا للايام التى سبقت الاستفتاء جميع جوامع السلفية كانت تحشد الناس حشدا لقول نعم باسم الدين والمادة الثانية من الدستور ولهم راى فى ذلك ان شيوخ السلفية اتفقوا على قول نعم للحفاظ على هوية مصر الاسلامية والواجب على جميع المسلمين ان يستمعوا وينصاعوا لراى شيوخ السلفية .

 وفعل الاخوان كذلك وعلقوا لافتات نعم للدستور من اجل الاسلام وكلنا يعلم ان الشعب المصرى متدين بفطرته وان لعبت على مسالة الدين القضية محسومة تماما لذا كنت متاكد ان النتيجة بنعم ستكتسح  فى قريتى وكل انحاء الريف والصعيد  .


نعود ليوم الاستفتاء  كان الاستفتاء فى مدرسة الشهيد عبدالعزيز سليم الاعدادية عند باب المدرسة ستخد لافته خضراء مكتوب عليها نعم للدستور لضمان عدم المساس بالمادة الثانيه توقيع " الجماعة السلفية " للامانه لم يرفع الاخوان اى لافتات امام المدرسة .

تدخل المدرسة تجد امامك ثلاث لجان التصويت بالطابور لكن لاستائر وان وجدت لا يلتزم بها احد شاهدت كثيرا وهم يصوتون على نعم وقليل على لا واغلبية من قال لا شباب جامعى .

 تاتى النساء فى جماعات  يصوتون مرة واحدة وتجد من يعلم لهن على نعم او من يرشدهن لقول نعم او العلامة الخضراء الكل جاء لقول نعم بعد اللعب على وتر الدين  بعض رجال الشرطة يوجهون الناس لقول نعم وبالطبع اعضاء الحزن الوطنى  شيخ البلد ايضا يوجه لقول نعم .

احد المستفدين من عضو الحزن الوطنى المخلوع اتى بطعام لاعضاء لجنة الاشراف على الاستفتاء انا لااقول انها رشوة لاسمح الله لاننى تحدث مع  وكيل النيابة المشرف على احد اللجان وهو شخص شديد الاحترام وكان يطالب بالحيادية  نمشيها كرم منايفه .


دخلت فى ناقش مع بعض السلفية وسالتهم سؤال انتم حرمتم  المظاهرات بشكل عام والخروج على الحاكم واعتبرتم مبارك امير للمؤمنين لماذا خرجتم فى مظاهرات بعد رحلية للمطالبة بعودة كامليا شحاته ووفاق قسطنطين ؟ لم احصل على اجابة محددة ولكن احدهم قال مازلنا نحرم التظاهر والخروج على الحاكم اللى فهم يفهمنى كيف يتظاهرون وهم يعتبرون التظاهر حرام؟ قلت اليس من الواجب الشرعى قول كلمة حق فى وجه حاكم ظالم ؟ رد وندخل المعتقلات ونتسحل  وبسال سؤال هل انتم تطبقون الشرع على اهوائكم حتى لاتتعرضون لاذى ؟

سؤال ثانى انتم حرمتكم الانتخابات وقلتم انها باطلة لان الشرع يقر ان للرجل صوتان مقابل صوت للمراة ايو والله شيخ منهم قال ذلك فى خطبة الجمعه ؟ ايضا رادوا بان الانتخابات حرام لية خرجتم النهاردة ؟ كان الرد الجاهز هو الحفاظ على المادة الثانية . وتناقشنا كثيرا فى هذة المادة انا قلت انها لم تمس من الاساس وحتى لو الاجابة اتت بنعم فمع الدستور الجديد ستعاد للطرح فحجتكم باطلة لانها تاجيل للمشكلة وليست حل ؟ كان ردهم النصارى يحشدون الناس لقول لا  لان الكنيسة معترضة على عدم تغير المادة الثانية فى هذة التعديلات وبدورنا نحشد بنعم لنحافظ على المادة الثانية من خلال الموافقة على التعديلات وسنستمر حتى الدستور الجديد .

احدهم  وهو قريبى شك فى توجهى احسن اكون عميل للبرادعى وسال  سؤال خبيث انت هتنتخب مين فى انتخابات الرئاسة ؟ وطبعا لو قلت البرادعى كان اتهمنى بالعمالة بس انا اصلا لن انتخب البرادعى ولى تخفظات كثيرة علية قلت له ياحمدين صباحى او هشام البسطويسى فصمت لانه لم يجد الاجابة التى سيهاجمنى من خلالها .

فى نهاية الحوار قالى احد شيوخ السلفية وهو مدرس لى "تعالى صلى معنا فى الجامع الخاص بنا حتى نغير لك افكارك قلت انا بصلى فى الجامع اللى جنب بيتنا وعجبنى ومش هغيرة ولا اغير افكارى  انا مسلم اصلى فى اى جامع احبه دون توجيه وانا لا ادعو الى ديمقراطة حرة دون ادخال الدين للتاثير على الناس بغير حق.

ننتقل للاخوان ابن خالتى اخوانى كبير تحدث معه هو ومن حوله واتهمتهم بالانتهازية السياسية لانهم يغلبون مصلحتهم على المصلحة العامة وبيحثون عن المكسب السريع على حساب دماء الشهداء الذين ماتوا من اجل ديمقراطية كامله وليس دستور مرقع رد انها ليست انتهازية نحن نريد استقرار البلد ونحن حددنا نسبتنا ب35% على الانتخابات القادمة رددت "بالمنطق لو فزتم بهذة النسبة ستكونوا اغلبية فى البرلمان وانتم من ستحكمون وهناك تخوف منكم  قال نحن السبب الرئيسى فى نجاح الثورة وحمايتها اعترضت بشدة قال معركة الجمل تشهد على ذلك قلت كان لكم دور كبير ولكن لستم انتم من انجحتم الثورة لقد قاطعها مرشدكم  يوم 21 يناير ورفض كجماعة المشاركه فيها عيب ان تسرقوا مجهود الشعب والشباب وتنسبوه لانفسكم لكنه ظل على وجهة نظرة وتمسك بانهم سبب نجاح الثورة وظللت انا على ماقلته .


وعن حشدهم للناس للقول بنعم وتوزيعم منشورات تحث الناس على قول نعم باسم الدين وتعليق لافتات فى مصر بطولها وعرضها نفى ذلك وقال لسنا من فعلنا ذلك وكان المنشورات واللافتات هى من فعلت ذلك من تلقاء نفسها  وعن الخبر الذى نزل على موقع الاخوان يتهم من يقول لا بالعمالة لامريكا واسرائيل رفض تصديق ذلك وقال انه موقع لايخص الاخوان قلت ان مرشدكم اعتذر عن ذلك لم يرد 

كان لدى الاخوان اعتراض على خروج السلفية فى مظاهرات وخروجهم للحياة السياسية  ويرون انهم يحصون الثمار دون دفع الثمن مثلما دفعوه هم على يد النظام وخصوصا امن الدوله .

نجى بقى للحزن الوطنى من يظن انا هذا الحزب القذر قد انتهى فهو يخدع نفسة هم موجودين بقوة ومصرين على خوض الانتخابات القادمة بقوة هم كانوا يحشدون الناس لقول نعم واحد منهم جاى يفرض عضلاته وبيقول فى حد هنا بيقول لا قلت انا رد بعصبيه انت مش مصرى بتقول لا ليه قلته ما علاقة مصريتى بنعم اولا قال لا عميل لامريكا والبرادعى نفس التهم التى قيلت ايام ميدان التحرير صراحة استخسرت ارد عليه  واشرحله قلت انا صوت ب لا  ودى حريتى وملكش دخل فيها.

لابد ان اقول ايضا ان حشد الكنيسة للاقباط لقول لا خطاء كبير ايضا  لايقل عن خطاء الاخوان والسلفية  ولو دخلنا فى منطقة مسلم ومسيحى فى الانتخابات الدنيا هتولع والكل هيخسر اللهم بلغت اللهم فاشهد

الجمعة، 18 مارس 2011

من اجل دماء الشهداء "لا والف لا للدستور المرقع لا نريد فرعون جديد "

خيرونا بين مبارك او الفوضى، اخترنا الفوضى فرحل مبارك
خيرونا بين عمر سليمان و الفوضى ، اخترنا الفوضى فرحل عمر سليمان
خيرونا بين شفيق او الفوضى ، اخرتنا الفوضى فرحل شفيق
خيرونا بين هيكلة أمن الدولة أو الفوضى ، أختارنا الفوضى فحل جهاز مباحث أمن الدولة
الآن يخيرونا بين دستور مرقع او الفوضى ، سنختار الفوضى فيرحل الدستور المرقع و نضع دستور جديد.


http://www.almasry-alyoum.com/article2.aspx?ArticleID=290666

 من يريد مصلحة هذة البلد من يريد الا يفرط فى دماء الشهداء يرفض هذا الدستور المرقع نحن نريد دستور جديد باختيار الشعب وليس دستور ياتى لنا بفرعون جديد

ياجماعة نحن الان نمر بمرحلة خطيرة وساسردها فى النقاط التالية :
1
- دعوة المجلس الاعلى للاستفتاء على تعديل الدستور فى المواد المطروحة يعنى احياء للدستور الذى اسقطته الثورة وهذا يتنافى مع مبادىء الثورة ويعيد الامور الى نقطة الصفر وهذا ماراده حسنى مبارك فى بيانه الاول حين قام بتشكيل لجنة لتعديل الدستور وليس سقوطه لقد تولى المجلس العسكرى شئون البلاد بالشرعية الثورية وليس طبقا لما حدده الدستور الساقط باسلوب انتقال السلطة فكيف يتم الالتفاف الان وتعديل بنود من دستور سقط عمليا بالفعل.

2- لو تم التصويت بنعم معنى هذا ان تستمر صلاحيات رئيس الجمهورية القادم كما هى فهى ليست مطروحة الان للتعديل بالاضافة الى استمرار وتفعيل للمواد التى تحدد نسبة العمال والفلاحين وكوتة المراة وكثير من الامور السيئة فى الدستور القديم ويترك الامر للرئيس الجديد الى تعديلها من عدمه -فهو ليس ملزم تذكروا نفس البند- الذى لم يجبرحسنى مبارك على تعيين نائب له وكيف استغله سيستمر نفس هذا الدستور الساقط بنفس بنوده وسيتم انتخاب مجلسى الشعب والشورى بهذا الدستور وطبعا بعد الانتخاب لامجال للكلام وسنعود لنفس مقولة المجلس سيد قراره بمعنى ان من يتكلم سيقال له بالباطل ان هذا التعديل اقره الشعب واختيار الشعب وهى دى الديموقراطية وسنرضى بالامر الواقع او يكون الحل هو ثورة اخرى فهل البلاد تتحمل هذا العبث.

3- السيناريو كما يلى ياريت نحصر عدد الاستفتاءات المزمع اجراؤها اولا استفتاء لتعديل مواد الدستور وثانيا استفتاء لانتخاب مجلس الشعب وثالثا استفتاء لانتخاب مجلس الشورى ورابعا استفتاء لانتخاب الرئيس الجديد وخامسا استفتاء لاجراء دستور جديد وسادسا استفتاء لاقرار والموافقة على الدستور الجديد وبعد اقرار الدستور الجديد يسقط معه الرئيس ومجلسى الشعب والشورى المنتخبين جميعهم طبقا لمواد الدستور الساقط والا طعن على عدم دستوريتهما وهذا مايقودنا الى سابعا لانتخاب مجلس شعب جديد ثم ثامنا لانتخاب مجلس شورى جديد ثم تاسعا لاعادة انتخاب رئيس الجمهورية من جديد طبقا للدستور الجديد خلال ذلك كله لاننسى انتخابات المجالس المحلية ونضع لها مجازا البند عاشرا بالله عليكم هل يوافق عاقل على هذا السيناريو وهل ظروف البلاد حاليا او فى المستقبل القريب تتحمل هذا العبث السياسى ان من يؤيد ذلك لايريد لمصر ان تتقدم للامام يريدنا ان ندور فى دائرة مغلقة لايعلم الا الله عواقبها على مصر وعلى المصريين وهذا مايراد بنا الان ان نلتفت عن الامور الدولية والاقليمية و الاصلاح الاقتصادى وبناء دولة عصرية الى الدوران فى فلك صراعات سياسية تدخلنا الى مزيد من الانشقاق والتخلف وهو مايريده اذناب النظام السابق لكى نترحم على ايام حسنى مبارك والاستقرار فى القاع الذى كان يوهمنا به .

4- الحل بمنتهى الوضوح ان نقول جميعا لا لترقيع الدستور ثم يقوم المجلس العسكرى وبالتوافق مع جميع القوى السياسية وشباب الثورة فى ان تكون جميعها ممثلة - ولو رمزيا كمراقب- بترشيح عدد محدد من كل فصيل للمجلس العسكرى و يتم اختيار 100 عضو لوضع دستور جديد لن يستغرق وضعه سوى شهر على الاكثر ثم اولا استفتاء لاقرار الدستور الجديد ثم ثانيا انتخاب مجلس الشعب فقط والغاء مجلس الشورى ثم ثالثا انتخاب رئيس جمهورية طبقا لبنود الدستور الجديد ويترك تحديد توقيتات الانتخابات الثلاثة لظروف البلاد ومدى تحقيق حد معين من الاستقرار الامنى والاقتصادى الذى يتحمل اجراء هذة الانتخابات وستكون النتيجة عندئذ رئيس ومجلس شعب منتخب فى ظل دستور جديد وهنا فقط ستبدء مرحلة بناء مصرنا الجديدة غير ذلك فنحن مقبلون على مرحلة انشقاق وايضا لااستبعد مظاهرات وصدامات وعدم استقرار سيؤدى الى مزيد من التدهور فى جميع النواحى مما سينعكس على الشعب وسيؤدى الى قيام ثورة اخرى نحن فى غنى عنها بمزيد من حسن قراءة الامور ودراستها الواعية الخبيرة ...نحن الان امام مفترق طرق اما بناء مصرنا الحبيبة الحديثة او الدخول فى فوضى وجدل سياسيى فالاختيار لنا ولذلك علينا جميعا ان نستمع لصوت العقل والمنطق والحكمة والخبرة ونذهب للاستفتاء ونقول لا والف لا للالتفاف على الثورة ولا لتعديل الدستور الساقط ولا للدخول فى فوضى كما يجرى فى العراق...اذا لم تذهب فانت مشارك بطريق غير مباشر فى ضياع الثورة ولاتلومن الا نفسك ورحم الله شهداء الثورة ...ياريت ياجماعة من هنا ليوم الاستفتاء نحرص على توعية الناس بذلك المضمون والذى عنده راى اخر فى ماسردته فمرحبا به فى ساحة النقاش بالدليل وبالمنطق اللهم قد بلغت اللهم فاشهد .

الأربعاء، 9 مارس 2011

ابوس رجل اهليكم ارحمونا العقل ياناس البلد هتضيع





وبعدين يعنى احنا مش هنخلص من الفيلم الهندى ده ولا ايه الموضوع ده لو ملتمش هنروح كلنا فى ستين داهية ياجدعان حرام العقل شوية الكل عارف ان ولاد الكلب بتوع امن الدوله سبب الفتنة ليه بقى نساعدهم فى اللى هما عايزينه بالذمة بدل ما نتكلم فى التعديلات الدستورية نحارب بعض اللطم يعنى مش هينفع كدة  الفتنه اخر كارت ليهم لو اتحرق خلاق بح مفيش امن دوله مفيش كلاب الحزن الوطنى البلد اهم من مسلم ومسيحى  المركب هتغرق بالكل

حرااااااااااااااااااااااااااااااام احنا بنضيع اللى عملاناه انا هعيط والله حرام نشمت البقر فينا لو خربت هتخرب على الكل ليه لاغين دمغنا ومشين ورا الخراب بسرعه الصاروخ هو فيه ايه احنا اجننا ولا ايه  والله هسيب البلد واغور فى داهية اشوفى تربه اندفن فيها قبل ماشوف اليوم اللى تحصل عندنا حرب اهليه .

يامسلمين يامسيحين يامصريين العقل ابوس رجليكم العقل احنا عارفين العدو وللاسف بنساعده الكل متفق ان امن الدولة بيرمى بكارته الاخير ليه احنا نساعده للللللللليه حسبى الله ونعم الوكيل فى كل كلب بيشعل نار الفتنة  اقباط المهجر السلفين ارحموا دين ابونا احنا مش ناقصين قرف

انا مش عارف لية ولاد الكلب صفوت الشريف وفتحى سرور وزكريا عزمى احرار لحد دلوقتى صفوت ده هو راس الافعى طول ماهو حر هنفضل فى القرف اللى احنا فيه ده ياجشينا العظيم ارحمنا من ولاد الكلب دول .






السبت، 5 مارس 2011

فضائح امن بالوثائق والمستندات " مجدى الجلاد عادل حموده حسام بدراوى وابن سوزان على جمعه "

فضايح اقذر جهاز فى مصر " امن الدوله يا امن الدوله .. انتوا كلاب جوه الدوله "

ياعنى ايه كوكولا زيرو .. انك تبقى ظابط امن دوله قاعد فى مكتبك والشعب يجى يعتقلك.

فضيحة عادل حمودة وتعاونه مع امن الدوله ومساندة حسام بدراوى

...........................................................................................................



فضيحة بث الرعب فى نفوس المواطنين بعد جمعه الغضب

................................................................................


فضيحة الضحك على الشعب بحل صورى لامن الدوله

..............................................................................................................

غباء امن الدوله ياجدعان قالكوا فرم مش حرق حتى بهايم فى التنفيذ اتفضحتوا

...............................................................................



فضيحة ملف التوريث لجمال ابن سوزان

................................................................................................
عمرو موسى ومحاولة اجهاض الثورة


.................................................................................................................................................

فضيحه مفتى الجمهوريه على جمعه وزواجه من 10نساء لوكشة واحده

.............................................................................





انتخابات 2005

الخميس، 3 مارس 2011

مبررررررررروك شفيق استقال اخيرا ياراجل وعصام شرف يكون الوزارة الجديدة



قرر المجلس الأعلى للقوات المسلحة قبول استقالة الفريق أحمد شفيق من منصبه كرئيس للوزراء، وتكليف عصام شرف وزير النقل الأسبق بتشكيل الحكومة الجديدة. 


الحمد لله يارب القادم افضل

بس سؤال شفيق كان وزير الطيران وشرف وزير النقل هى مصر وسيله موصلات؟

لماذا نريد اسقاط احمد شفيق




اسماء محفوظ :لماذا نريد اقالة احمد شفيق

نواره نجم "نواره شباب الثوره" هذا الشبل من ذاك الاسد
الخباز الفصيح رجل فى منتهى الروعه





كمان البوست ده من عند نواره .... في مدونه جبهه التهييس الشعبيه ..
لا وقت للإكتئاب وفي حل إن شاء الله ..... بقلم نواره نجم ..

دلوقت قبل ما اقول الاقتراح اللي اتناقشت فيه مع الشباب على التويتر، لازم احنا نحل المشكلة عندنا ونرجع نتفق على حاجات موحدة بدل التشرذم ده
أولا: كلنا متفقين على يوم الجمعة
ثانيا: كلنا متفقين على التلات مطالب الاساسية: حل امن الدولة، اقالة شفيق وتشكيل حكومة كفاءات، محاكمة رؤوس الفساد وعلى رأسهم صفوت الشريف ومبارك واسرته
ثالثا: كلنا متفقين على ان الشارع المصري هو اللي صنع الثورة وهي ملكه بالاساس
بالعربي، اننا ندي ضهرنا للشارع ونبص للمجلس العسكري سواء بالخناق والاعتصام ابو الفين واحد او بالتفاوض دي قلة عقل، المجلس العسكري ماله ومالنا، هو علاقته بالشارع والشارع هو اللي بيقول هو عايز ايه ويتعمل له
وده اللي بيعمله الحزب الوطني دلوقت، حد سمع عن اعضاء الحزب الوطني بيعتصموا للمجلس العسكري ولا بيروحوا يتفاوضوا معاه؟ بتوع الحزب الوطني ماشيين في الشارع يكلموا الناس - على قد مخ اعضاء الحزب طبعا، يعني برضه كنتاكي وخمسين يورو والشباب والبنات بيعملوا قلة ادب مع بعض في الميدان وبتوع التحرير بيفتحوا مطاوي على بعض وحاجات كده يا عيني، معلش، طول عمرهم خيالهم فقير
يبقى بداية من النهاردة ولحد يوم الجمعة كل واحد يقرا البوست ده، خصيمه النبي يكلم كل يوم عشرة في الشارع
اكتر حاجة بتضايق المصري انه يحس ان فلوسه اتسرقت - ولو ان المصريين ما عندهمش مشكلة مع الفقر، بس عندهم مشكلة مع اللي ياكل حقهم - وانه يحس ان فيه حد بيذله، اللي هو امن الدولة
واظن كده الشارع افهم من كل السياسيين والنشطاء والنخب اللي بيغرقوا في التفاصيل والتنظير، لان هو ده لب الحكاية، مش هو: تغيير حرية عدالة اجتماعية؟ الشارع المصري مهتم بالعدالة الاجتماعية اكتر ما هو مهتم بالوفرة، يعيش فقير لو الفقر على كل الناس آه، يتسرق لا، لان ده ظلم، يحترم القانون ويسمع كلام القوات المسلحة عشان هو مؤدب اه، يتذل من امن الدولة ويتحاصر ويتراقب لأ.
وبدل التكبر على مخاليق ربنا، والمعايبة على الناس عشان شايلين طبلة، ولا عشان فيه بياعين بياكلوا عيش، هو ده شعبنا يعني، مش عاجبك شوف لك شعب تاني، والبلد دي بلدهم والثورة ثورتهم، وهم اللي اتعوروا وماتوا، وحضرتك عايش وسليم اهو
وبدل ما تزهق الناس في عيشتهم وتحسسهم انك معطل لهم السكة وهم مش فاهمين مالك؟ انت مجنون ولا ايه؟
الصح ان كل واحد يتكلم مع الناس، بداية من النهاردة، الشباب اللطيف اللي نزل يبيض ويكنس، الشباب اللطيف اللي قاعد في التحرير دلوقت، الشباب اللطيف اللي قاعد على النت، عشرات الالاف من كل المحافظات، من دلوقت ننزل كلنا الشارع ونتكلم من النهاردة لحد يوم الجمعة الناس، وتحسبها لنفسك، لازم كل يوم تسجل سكور عشر بني ادمين على الاقل، وما تدخلش في مهاترات تضيع وقتك، وما تدخلش في مناقشات بيزنطية:
ارمي الكلمة في بطن الضلمة تحبل سلمى وتولد نور
حنركب ميكروباصات
حنطلع في المترو
حنقف مع الناس في محطات الاوتوبيس
وحنتكلم معاهم بطريقة واضحة:
المسئولين ايام مبارك سارقين منا نص ترليون جنيه، يعني 500 مليار جنيه، انت عارف يعني ايه 500 مليار؟ يعني 200 مليار يوفروا مية ويخضروا الصحرا ويشغلوا سكان العشوائيات في استصلاح الاراضي، و100 مليار يعملوا شبكة الصرف الصحي والمية ماحدش يتقطع عنه المية ولا المجاري تطفح تاني، و100 مليار يعملوا مساكن للشباب وسكان المقابر، والباقي نحطه في البنك وناخد فوايده، يعني لو الفلوس دي رجعت لنا في خلال سنتين مصر حتبقى جنة
بس الحكومة الموجودة دي اصلها بتاعة مبارك، شفيق ده بيقول على مبارك الرئيس، وابو الغيط فضحنا فضيحة المطاهر ايام غزة، وناس كتير من اللي في الحكومة دي بتوع مبارك، عشان كده فيه ناس كتير من الفاسدين بقى عندهم فرصة انهم يحرقوا المستندات ويحطوها في المفرمة، تلات شهور لحكومة شفيق كتير، على ما التلات شهور يخلصوا حيكون هو واللي معاه لحقوا يوفروا فرصة للفسدة في المؤسسات يحرقوا كل المستندات اللي تجيب لنا فلوسنا تاني
ده غير بقى السبعين مليار دولار بتوع مبارك، يعني 350 مليار جنيه
ما المصريين احسن ناس، وعندنا كفاءات كتيرة في كل حاجة، ليه يعني لازم يجيبوا ناس من بتوع مبارك؟ ما عندنا علماء وعندنا كفاءات وييجوا يديروا البلد عشان يعرفوا يرجعوا لنا فلوسنا ويطلعوا المستندات اللي تجيب لنا حقنا
وبعدين الحكومة دي فيها محمود وجدي، مش عايز يحل امن الدولة، شفت مدير امن البحيرة؟ قال بيقولك نقله، ماهو نقله عشان اتفضح على النت، كل بتوع الامن بيفكروا كده، وامن الدولة ده ياما ذلنا وقتل ناس، وبياخدوا ميزانية قد دماغهم، طب مش الجيش اولى بالفلوس دي؟ بدل ما ناخد معونة نسلح بيها الجيش، ناخد فلوس امن الدولة نديها للجيش، وامن الدولة يشوفوا لهم شغلانات تانية، في الجيش بقى، ولا حتى في المشاريع الجديدة اللي حنعملها لما الفلوس ترجع
وبعدين امن الدولة ده لازم يتحل بسرعة، دول ابتدوا يهددوا ناس ويضربوا عليهم نار، وبعدين هم اللي فجروا كنيسة القديسين، والموضوع ده اتفضح واتعرف وهم بيحققوا مع العادلي وبعدين سكتوا عنه ما حدش جاب سيرته، عايزين يولعوا البلد ويعملوا لنا مسلم ومسيحي، واخرتها ياخدوا الشاب السني ده اللي اسمه سيد بلال ويموتوه من التعذيب عشان يلبسوها له وهم اللي عاملينها، وهي ايه شغلانة امن الدولة بالظبط؟ في كل حتة امن الدولة بيراقب الناس، في كل مكتب في قطاع عام او خاص واحد بيشتغل مع امن الدولة وبيكتب لهم تقارير، في كل جامع وفي كل كنيسة واحد مدسوس من امن الدولة وبيكتب لهم تقارير، دول لهم ناس في المدارس يا جدع، وبعدين ما وراهمش حاجة غير المرازية في خلق الله والضرب والاهانة والاتاوات، ويا الغلابة يشتغلوا مرشدين يا يموتوهم زي الواد بتاع اسكندرية، الداخلية بتاخد تلت الميزانية، مش احنا اولى بيها الفلوس دي، طب لو محمود وجدي ده نيته صافية كان حل امن الدولة وشغلهم بقى في المطافي ولا في المرور، انما هو مش صافي، ولسه مخه زي مخ العادلي بالظبط وزي مخ اي ظابط شرطة، عايزين يذلونا
الحل ان حكومة شفيق دي تمشي ويجيبوا لنا ناس بتعرف ربنا وكفاءة عشان يجيبوا لنا حقنا من الحرامية اللي سرقوا فلوسنا ومن امن الدولة، وامن الدولة ده يشوفوا له شغلانة شريفة
الناس رايحة يوم الجمعة التحرير، حتبقى مظاهرة كبيرة، اصل المجلس العسكري عليه ضغوط من كل ناحية وانتوا فاهمين بقى رجالة صفوت الشريف ورجال الاعمال، لكن لو احنا نزلنا يوم الجمعة مش حنبقى بنعطل البلد وفي نفس الوقت يقدر المجلس العسكري يتحجج بعددنا الكبير عشان يساعدنا، هو كويس وعايز يساعدنا، بس محتاج اننا نديله حجة عشان يقول للغيلان اللي كانوا واكلين البلد: ماليش دعوة بقى الناس هي اللي عايزة كده، امال هو بيسبنا ليه يوم الجمعة فكرك؟
--------------
ملحوظات: اول ما تغلط في المجلس العسكري اعرف انك خسرت رصيدك عند اللي بتكلمه
ما تيأسش الناس وتقول: احنا كده ما عملناش حاجة، لأن كده حيحبط ويقول مش نازل، قول له، ايوة احنا عملنا حاجة كويسة ومبارك مشي، بس انا رئيس عصابة، مشيتني، المفروض تمشي العصابة بتاعتي كلها
حتلاقي بتوع الحزب الوطني بيهللوا عليك
تعرفهم ازاي:
1- صوتهم عالي ومهللاتية، مش بياخدوا ويدوا في الكلام، حتلاقيه اتشنج كده وقعد يقول لك: حسبي الله ونعم الوكيل فيك.. خربتوا البلد يا بعدا.. خربتوا البلد
تجاهله وما تتكلمش معاه، وما تعليش صوتك عليه، حيبان قصاد الناس ان انت العاقل اللي بتقول كلام موزون وهو اللي عمال يتشنج
2- بيتكلموا كويس قوي على شفيق وابتدوا مؤخرا يتجرأوا ويتكلموا كويس على مبارك نفسه
3- بيروجوا اشاعات، وده المفتاح اللي تعرف بيه اذا كان مجرد شخص مختلف معاك في الرأي ولا هو حزب وطني فعلا، حتلاقيه بيقول: انا شفتهم بعيني بياخدوا فلوس، شفتهم بعيني قاعدين مع اجانب، شفت الشباب والبنات بعيني والبت قاعدة وراسها على كتف الواد ومنظر استغفر الله العظيم
ساعتها تقول له: فيه ناس ماتت واكيد اللي مات ما اخدش فلوس، وعشان بقى ما نسيبش البلد والشارع للناس الوحشة اللي انت شفتهم بعينك دول، لازم ننزل، والا هم كده اللي حياكلوا البلد، انت عارف المجلس العسكري بيسمع اللي الناس بتقوله في الميدان وبيتكلم معاهم، لو سيبنا الميدان للناس دي يبقى ممكن هم يضيعوا البلد
حاجة اخيرة: بعيدا عن ان اللي يغلط في الشعب يبقى ابن ستين كلب الشهادة لله، ويبقى ما يفرقش حاجة عن امن الدولة اللي بيعامل الناس كده لأنه بيحتقر الشعب... لازم وانت بتكلم الناس تديهم فخر وطني، تقولهم المصريين احسن ناس، وعملنا حاجة حلوة، وكل المشاكل اللي كنا فيها دي طلع ان سببها مبارك وعصابته، ولما اتلمينا على بعض في الميدان بان اننا ناس كويسة ومتحضرة، ولازم نحافظ على اللي عملناه وما نسيبش عصابة مبارك تحاول انها تسيطر على البلد، ولازم بقى نساند المجلس العسكري في مواجهتهم عشان يلاقي دعم، وهو مش معقول حيقول لنا انزلوا اتظاهروا، بس هو بيسيبنا الجمعة ولو فيها ضرر ما كانش سابنا، خصوصا انها اجازة ومش عطلة للبلد
دي افكاري الاولية
طبعا ممكن نطور موضوع التخاطب مع الشارع ده اكتر، زي ستيكرات او ورق او اي حاجة، بس احنا من هنا للجمعة ما عندناش وقت، ولازم نبتدي من دلوقت، من يوم السبت كان لازم نبتدي، بس الفكرة ما جاتش على بالي الا دلوقت

والله المستعان