ياشهيد نام واتهنى .. هما فى نار وانت فى جنة

ياشهيد نام واتهنى .. هما فى نار وانت فى جنة

الاثنين، 23 مايو، 2011

ان الاوان ترحلى يادوله العسكر .. رساله للمجلس العسكرى



المجلس العسكرى ماذا يعنى لنا الان هو الحاكم الفعلى لمصر بعد الثورة نعترف ونقر اننا اخطائنا بان كنا حسنى النيه فى البداية وتركنا الميدان واقتنعنا ان المجلس سيحقق كل رغبات الثوار , وبمرور الايام بدات الحقائق تتكشف المجلس بيلعب معانا لعبة غير شريفة واحنا لو اتكلمنا نكون بنضرب فى الجيش وعايزين نهد البلد ووضعنا فى موقف حرج امام الشارع المصرى او ما يقال عنهم الاغلبية الصامته وبقرارات متعمده كره الشارع فى الثورة  .


هناك من كان يدافع عن المجلس باستماته و رغم  الاخطاء التى تتوالى من المجلس مثل نوارة نجم وبلال فضل وحاولوا اقناع الشباب بان نمتثل لما نراه من قرارات غير مفهومه وتصب فى خانه اعداء الثورة  من اجل الحفاظ على مصلحة البلد وانا اشعر انه غرضهما كان خالصا لمصلحة البلد فكلنا هرمنا من اجل ان نراى مصر الجديدة لكن الوضع الان اصبح على المحك  المجلس العسكرى انحرف تماما عن الطريق الصحيح واخيرا اقتنع نوارة وبلال ان ما يحدث من المجلس اخطاء لايمكن السكوت عليها ويحب ان نعود للميدان للحفاظ على مكتسبات الثورة .


لماذا نعود للميدان لاننا لم نشعر باى تغير كلنا فرحنا فى البداية بمسلسل ال15 يوم لكن ماذا بعد سرور طلع شريف وشهاب طلع شريف وسوزان ام الشرف وعزمى كبير فى السن ومبارك يطلب العفو والشعب اللى حرامى وابن كلب


كل يومين يقولك هنعمل حوار لمناقشة القوانين قبل اصدارها ناس تتكلم وخبراء وصحفيين وشباب الثورة وبعدين المجلس يعمل القانون على مزاجه بالبلدى وعلى طريق النظام البائد" اتكلموا ونعمل اللى احنا عايزينه "


الشباب المعتصم فى التحرير  يتفشخ اسف فى اللفظ ويتعلق والبنات ينكشف على عذريتها والناس اللى فى مصطفى محمود محدش يجى نحيتهم ليه اه ليه مش دول معتصمين ودول معتصمين؟


نجى لليوم الاسود او مجزرة السبت "9ابريل" ضرب نار حى واقتحام للميدان وناس تموت والمجلس يقول رصاص صوت ومحدش اعتقل وبعدها بشهر قرار بالافراج عن المعتقلين ازاى اه ازاى ؟ مش عارفين حتى يسبكوا الكدبه؟


شاب زى الورد يموت قدام السفارة الاسرائلية علشان ولاد الكلب يفرحوا فينا ويقولوا الجيش حمى سفارتنا من المتظاهرين اعتقالت واهانه وذل وشتيمة بالاب والام واللفاظ خارجة وقلع بنطلونات واحكام فى 24 ساعه طب لما انتوا حلوين اوى كدة وعندكم سرعة فى الاحكام اللى لا تطبق غير على الثوار وايديكوا جامده كدة ما تلموا البلطجية وتنزلوا الشرطة غصب عن عين اهلهم وفين الاحكام السريعه ضد اللى سرقوا البلد ونهبوبه .


مبارك مش هيتنقل طره لية ياعمونا اصلة المستشفى لا تليك بحضرة جناب الرئيس الحرامى هو مش مواطن زى المسجونيين العاديين ولا هو فوق القانون يا حلويين , ماما شوزى تتسلبط اول ما يطلع قرار ال15 يوم وبعد العظمة اللى رمتها للكلاب وتاخد افراج ولا اكن عندها حاجة صحته فله شمعه منوره a7a عارفينها ولا اترجم .

نحن بين هؤلاء دم الشهداء وليس اموال ولو لم يحاكموا محاكمات عادلة امام قضاء نزيه تكونوا انتوا اللى بتخربوا البلد مش احنا ولقد اعذر من انذر .
قلة الادب وصلت لدرجة افتعال ازمات متعمدة وعدم حلها حتى يكرة الشارع الثورة ازمة سولار فى البلد بدون سبب مقنع والعمل بكل السبل لاشعال الازمة اكتر واكتر للضغط على الشارع وبعدين ازمة غاز واللعب على العواطف بان رمضان جاى والدنيا كلها هتجوع وهنشحت وبعدين فلقوا امنا بعجلة الانتاج والبلد هتفلس فين ياعم فلوس قناة السويس واصلا الاضربات الفئوية قلت وباعترافكم بنسبة 70% دماغنا بقى .

لن نرضى بحكم العسكر مهما كلفنا الامر كفاية ارحمونا عسكر 50 سنه مدنية مدنية 







السبت، 21 مايو، 2011

مليـونية يوم الجمعـة 27 مـــايو هنـــزل عشــان مش حـاسـس بالتـغـيير، إخواتـي في السجـن والمخـلوع في شـرم


مليـونية يوم الجمعـة 27 مـــايو
هنـــزل عشــان مش حـاسـس بالتـغـيير، إخواتـي في السجـن والمخـلوع في شـرم

أولا: المطالب الاقتصادية:
وضع حد ادنــى وأقصـى للأجور.
إعادة توزيع الثروات لإنقاذ البلاد من الأزمة الاقتصادية.
التحكم في الأسعار.
فرض الضريبة التصاعدية.
محاكمة كافة رجال الأعمال الفاسدين ومصادرة أموالهم.

ثانيا: المطالب السياسية:

عودة الأمن بشكل مكثف.

تقديم مبارك للمحاكمة بتهمة الخيانة العظمى، على اثر اعتراف المشير بإعطاء مبارك الأمر للقوات المسلحة بقتل المتظاهرين.
إشراف قضائي وحقوقي على جهاز الأمن الوطني ومحاكمة كل الضباط المتورطين في قتل المتظاهرين وتعذيبهم.

حل المجالس المحلية.
 
حل جهاز الأمن المركزي أو إدماجه في الجيش.

التأكيد علي حقوق المصريين في الخارج في الانتخابات.
إقالة يحيى الجمل ومحاكمة عمر سليمان.

ثالثا: الحريات:
 
إلغاء إحالة المدنيين إلى قضاء عسكري. 
 
إعادة محاكمة كل المحكوم عليهم بأحكام عسكرية بعد تحويلهم إلى المحاكم المدنية.

حظر فض الاعتصامات بالقوة بشكل كامل.

تطهير الإعلام، نريد إعلاما ثوريا معبرا عن صوت الشعب وليس صوت الحاكم أيا من كان.

انـزل وهـات خمسـة معـاك
الجدع جدع والجبان جبـــان و إحنا يا جدع راجعيـن للميـدان

الأحد، 8 مايو، 2011

يا ولاد الكلب ارحمونا البلد هتولع.. وعلى جثتنا فشل الثورة



حسبى الله ونعم الوكيل فى كل ابن كلب عايز يولع فى البلد ويتسبب فى فتنة طائفية , يلعن ابوكوا ولاد كلب ايه القرف اللى كل شوية يطلع لنا دة خلصنا من كاميليا تطلعنا عبير انتوا ماوركوش غير النسوان ولا ايه .

شكلكم ايه لما طلعت كاميليا وقالت انها مسيحية ولم تسلم ابدا اختنا كاميليا اختنا كاميليا صدعتوا دماغ اهلنا على الفاضى  كتكم الارف .

ايام الثورة عملتوا حسنى امير للمومنين وطلعنا احنا عصاه لخروجنا على الحاكم وحرمتوا المظاهرات طب بتعملوا مظاهرات دلوقتى ليه بقى هو الحرام والحلال ده بمزاجكوا ولا ايه .
بصوا بقى احنا طلع عين امنا فى البلد دى وشفنا الموت بعنينا ومعندناش اى استعدادا ان الثورة دى تفشل  هنكمل ثورتنا وهنعمل الدولة المدنية اللى بنحلم بيها واما نشوف اخرتها معاكوا بقى وعلى جثتى وجثت كل واحد بيحب البلد دى بجد انكوا ترجعونا لسيناريوا التسعينات او يتعمل فينا زى ما تعمل فى الجزائر .