ياشهيد نام واتهنى .. هما فى نار وانت فى جنة

ياشهيد نام واتهنى .. هما فى نار وانت فى جنة

الاثنين، 14 ديسمبر 2009

14 ديسمبريوم مولدى انا بقى عندى 24 سنة ازاى مش عارف


فى مثل هذا اليوم 14 ديسمبر عام 1985 جئت الى الدنيا فى يوم سبت على يد دايه وليس دكتور اسمها "مجبدة " فى بيت فلاحى قديم يضم كل العائلة كان عايش فية ابويا واخواتى

واعمامى الثلاثة وولادهم وستى ربنا يخليها كل واحد فى اوضة البيت دة اتحول دلوقتى لاربع بيوت واسعة بيتين ثلاث ادوار وبيتين دور واحد .

البيت القديم كان واسع وتحس فيه بالدفا ولمة العيلة كان وراه عنبة كبيررررررررررررررررة وستى كان حراسه طول النهار مننا علشان كنا بناكل العنب قبل مايطيب وقدامة توته كبيرة كانت بتجيب توت ابيض طعمة احلى من العسل كنت بطلعها زمان .


انا مش مصدق انى عايش بقالى 24 سنة عدوا ازاى معرفش .انا فاكر طفولتى وحاسس انها لسة امبارح نفسى ارجع طفل زى زمان موريش غير اللعب وبس مفيش شغل مفيش سفر كل يوم مفيش تفكير فى بكرة عايش اليوم بيومة وبس .

زمان وانا صغير كنت بحلم ابقى كبير "كنت غبى " الانسان مبيحش قد ايه الطفولة دى نعمة الا مايكبر ويشيل الهم طول مالواحد تحت العشريين مش بيبقى شايل هم حاجة بعد العشرين يدخل الفرض مطحنة الحياة والدوامة تفضل شغالة لحد ما نموت .

انا عمرى ماحتفلت بعيد ميلادى وساعات كتير كان بيعدى ومش بفتكرة او اعرف ان النهاردة 14 ديسمبر بالصدفة السنة عموما فى الارياف مفيش حد بيحتفل بعيد ميلادة . بس انا قلت احتفل بيه السنة دى من نفسى ويكون معاكوا علشان السنة الجاية ممكن اكون برة مصر يلا نطفى الشمع وناكل التورتة وكل واحد وواحدة يدخلو يسيبوا الهدية متنسوش انى منوفى ومش بعزم حد بالساهل كدة


هناك 30 تعليقًا:

  1. كل سنه و انت طيب و دايما محقق كل امنياتك و احلامك

    ردحذف
  2. كل سنة وإنت طيب يا رامي
    انا فاكرة لما اتجوزت المنوفي تبعي كان قبل عيد ميلاده بشهر واسبوع
    وبعدين جه عيد ميلاده فعملت له عيد ميلاد كبير جدا
    وهو كان فرحان جدا جدا
    ماهو زي ما انت عارف محدش بيفتكر الحاجات دي في الفلاحين
    فما بالك في المنايفة "وش مطلع لسانه"
    عقبالك انت كمان لما تتجوز بنت الحلال اللي تعمله لك في الفورسيزونز وتعزمنا ومش ها نقصر في الهدايا :)
    عقبال خمسين شمعة جنب الأربعة وعشرين
    اظن كفاية؟ والله ما قصرت

    ردحذف
  3. بأه كده,طب مش تقولى :(
    زعلانه جدااااااا والله..
    عموما نعمل تحديث بعيد ميلادك هو فى اعز منك:)

    كل سنه وانت طيبا ياراامى وعقبال مليون سنه يارب وتكون مبسووط ومعاك الننوسه وام الننوسه ان شاء الله...

    فين التورته؟؟؟؟؟؟؟؟ اكل الاول وبعدين تاخد هديتك:)

    ربنا يسعد ايامك كلها اللى جايه يااارب:)

    ردحذف
  4. خلاص ياسيدى تم التحديث وقلت عليك الكلمتين اللى فيهم النصيب اومااال دنا بهدلتك:)

    ردحذف
  5. عيد ميلاد سعيد وعمر مديد ان شاء الله يكون كله خير وصحة ونجاح يارب
    معاك حق قبل العشرين بنتمنى نكبر والايام بتمر كأن معمول لها العرض البطئ بس سبحان الله أول متحط رجلك في العشرينات السبحة بتكر من غير ماأنت تحس وتلاقي العمر بيجري وبيتسرب من بين ايديك (شفت انا مصرة اكئبك ازاي ههه)
    تحياتي لك وتمنياتي القلبية لك بدوام السعادة

    ردحذف
  6. صيدلانيه طالعه نازلة
    وانتى حضرتك طيبة وبالف خير يادكتور وشكرا على التهنئة بس فين الهدية

    ردحذف
  7. ستيته حسب الله الحمش

    ههههههههههههة
    والله ماقصرتى يادكتورة ايون كدة ادينا شوية خليجى علشان اعرف اتكلم زيهم لما اسافر انشاء الله
    الف الف شكرا على التهنئة وربنا يسمعى منك يرزقنى بالى تحبنى و تعملى عيد ميلاد جميل زى الى حضرتك عملتيه للدكتور حسبو بس مش لدرجة الفور سيزون هو انا هتجوز بنت احمد عز ولا ايه وبلاش تجى ناحية المنايفة انتى عارفه زعلهم

    ردحذف
  8. الشعب لابد له من حكومه تشكمه
    اوعى تزعلى انتى عارفة بعزك قد اية دة حتى انتى اسمك على اسم اخت الوحيدة يعنى انتى اختى بحق وحقيق مش هزار. التورتهه فوق اهيه كولى براحتك بس سيبى لغيرك والهدية قبل ماتمشى والنبى ركزى على الننوسة اوى وادعى من قلبك .
    الف الف شكر على التحديث اروح اشوفه بقى

    ردحذف
  9. خواطر شابة
    ياسلام فرحتى كبرة اوى بقى اول عيد ميلاد احتفل بية تجلى تهنئة من المغرب بجد والله انا بحب المغرب وتونس اوووى هى صحيح ديما بتغلبنا فى الكورة بس بعزها جدا كفايا ان انتى منها واهلها ناس محترمة الف شكر وكل سنة وانتى طيبة وبالف صحةز بالنسبة للكابه عادى ان سمعت نصيحة شيما وهفرح لحد اخر السنة محدش واخد منه حاجة

    ردحذف
  10. كل سنة و حضرتك طيب يا رامى
    و يارب كل خير و فرح و سرور و حياة و امنيات جميلة ليك يارب دايماً

    على فكرة انت اصغر منى بسنة و شهر
    احسبها انت بقى
    :-)

    ردحذف
  11. كل سنه وانت طيب يا منوفى ويارب السنين اللى جايه تكون اسعد
    كلنا والله يا منوفى بنحن للطفولة رغم اننا كان نفسنا نكبر ونقول امتى بقى نكبر
    لكن واضح ان هى دى سنه الحياة
    بجد كلامك جميل وحسيت انه بيمثلنا كلنا

    ربنا يسعدك وينور ايامك
    وكل سنه وانت طيب

    ردحذف
  12. بدراوى
    بدراوى باشا منور يازعيم الاكبر منك بيوم يعرف عنك بسنة شوف بقه انت اكبر منى بقد اية
    ربنا يخليك يابدراوى ويارب تكون بخير دايما

    ردحذف
  13. فراشة
    الف شكر على التهنئة ويارب السعادة تعم على الكل بس هو فية مفيش حد عايز يسيب هدية مين المنوفى بالظبط

    ردحذف
  14. كل سنة وانت طيب يابن بلدياتى

    ههههه
    انا من شبين الكوم على فكرة
    منين انت ؟

    ردحذف
  15. لا ازاى يا منوفى هديتك حتوصل بالبريد المستعجل روح انت بس حتلاقى تورته كبييييييييرة اتفرج عليها وروح
    ههههههه

    ردحذف
  16. فكرتنى بايام زمان
    اولا كل سنه وانت طيب وعقبال 15428647765212665522
    سنه
    انا كمان زمان كنا عايشين ف بيتنا اللى كان مختلف عن دلوقتى بيتنا حواليه زرع كتير نصه حاليا اتبنى ابراج
    وكان قدامنا ترعه ليها صوت زى الشلالات لما الميه تزورها كل كام يوم
    وكان فى توته كبيره بردو وكان ورا بيتنا جنينه بتاعتنا فيها عنب وموز وتين وبرتقان وفواكه كتير
    كنت دايما بروح اقعد فوق اعلى غصن ف شجرة الجوافه زى القرود ومحدش كان بيعرف طريقى

    بس الايام دى راحت والجنينه بقت دلوقتى عماره
    والترعه بقت جسر عمومى
    والتوته دبحوها
    يالا
    فكرتنى باحلى ايام عمرى
    كل سنه وانت طيب
    انا عكسك بحتفل بعيد ميلادى كل سنه واوقات بهادينى كمان بسفريه بره البلد احتفل فيها مع اصحابى ف معسكر ولا رحله بره البلد

    ردحذف
  17. كل سنة وانت طيب يا رامى معلش اتأخرت شوية بس تقول ايه فى الجهاز اللى عطل مرة واحدة وطبعا التورتة دى مخصوص ليا لوحدى طبعا بلطجة ههههههههههههه ولو انى مش بحب الحلويات نهائى بس غلاسة كل سنة وانت بخير ويارب سنة تتملى عليك بالخير والسعادة دوما يارب

    دمت بكل الخير والسعادة

    ردحذف
  18. كل عام وانت الى الله اقرب

    وربنا يحققلك كل ما تتمناه

    تحياتي

    ردحذف
  19. فراشة
    انارحت البريد ملقتش حاجة بس عرفت ان الى شغالين هنالك كلوها هههههه

    ردحذف
  20. واحدة من الناس
    هههههههههههه كل دة عمر دنا هبقى اثرى والناس هيحطونى فى المتحف زكريات الطفولة جميلة والامكان زمان كان ليها طعم مختلف المدنية والعمارات الى بتنبى بتضيع اى اثر للخضرة وبغتال الذكريات الجميلة .
    والنبى لما تطلع رحلة خدينا معاكى

    ردحذف
  21. joudy
    وانتى طيبة ياجودى تهنئتة غالية عندى
    التورته كلها تحت امرك دانا اجبلك مصنع حلويات بحاله
    انا زيك بالظبط مش بحب الحلويات

    ردحذف
  22. معلش اتاخرت عليك شوية فى المعايدة عقبال ما اخدت بالى من المدونة بتعتى اصلا ههههه
    على كل حال كل عام و انت بالف خير يا رب و يا رب تحقق كل امانيك فى رضا ربنا طبعا
    بس لازما اكل من التورته برده ....مانان منوفية برده و ماش هافوتها ههههههههه
    و كمان اصلى ماكلتش تورتة فى عيد ميلادى كان فى اول الشهر برده
    تحياتى

    ردحذف
  23. بنوته صغيرة
    اولالالالالالالالالالالالالالالالالالالا كل سنة وانتى طيبة دة الظاهر انه شهر العضماء بقى
    ثانيا بالف هنا التورته بس سيبى حته منوفى على منوفى ميرلش تحياتى ويارب السنة الجاية تكون بنوته كبيرة

    ردحذف
  24. كل سنة وانت صغير واعتبرنى زى مامتك الكبيرة

    ردحذف
  25. كل سنة وانت طيب يارامى

    انا اسفة اوى لانها متأخرة بس انا مش عرفت غير دلوقتى

    وكل سنة وانت طيب بمناسبة السنة الجديدة ويارب تكون سنة سعيدة عليك وتحقق فيها كل امنياتك

    ردحذف
  26. عيد ميلاد سعيد.. ولونها متأخرة.. بس معلش
    شوفت لك تعليق عن ستيته عجبني.. قولت اجي امسي
    هابي نيو يييييييييييير
    ويا سيدي عقبال 240 مش بس 24
    كل سنة وانت طيب

    ردحذف
  27. ام بوبة
    من هنا ورايح هقولك ياماما وبوبا اختى الصغيرة ربنا يخليهالك ويباركلك فيها

    ردحذف
  28. ريم
    كل سنة وانتى طيبة ياريم على فكرة انا بحب اسمك اوى وناوى اسمى بنتى انشاء الله ريم

    ردحذف
  29. فتافيت
    والله العظيم منورانى ان سعيد جدا بانك شرفتى مدونتى انتى من اول المدونين الى تابعتهم .
    وياريت متغبيش تانى وكل سنة وانتى طيبة بس هو اية التعليق الى عجبك

    ردحذف
  30. http://awraktanbod.blogspot.com/

    دعوة لمدونتى الجديدة

    ردحذف