ياشهيد نام واتهنى .. هما فى نار وانت فى جنة

ياشهيد نام واتهنى .. هما فى نار وانت فى جنة

الاثنين، 7 فبراير 2011

تحديث .. الجمعة يوم الزحف للقصر الجمهورى ... ابكى ياهبل ..لا ترحل يافرعون هذا الزمان ..قصيدة لأهل ميدان التحرير

يوم الجمعة القادمة باذن الله زحف مليوني سلمي من شعب مصر الي قصر العروبة و مبني الاذاعة و التلفيزيون و ميدان التحرير في القاهرة .... و قصر راس التين بالاسكندرية .... لمزيد من الضغط علي تنفيذ مطالب الشعب من اسقاط نظام السفاح مبارك انشروا يا شباب انشر لو سمحت


لَا تَرْحَلْ....

لَا تَرحَلْ...
...
....ْلن نقبل أبدا أن ترحل
............
حَتى نَسأَلْ

...

عَن مليون فَقيرٍ مُهمَلْ

و حكومَات لا تَتَبدلْ

وَ أَلْفِ أََلْفِ وُصُولِيٍّ

و نظَام يَعبد أَمريكَا

وَ يحَاصر شَعبَه الأَعزَلْ

لَا لَنْ تَرْحَلْ.... حَتّى نَسْأَلْ

عَنْ تَعْذِيبِ أَهَالينَا

وَ عَن تَكْبِيلِ أَيَاديناَ

وَ زَرْعِ الفِتْنََة فِينَا

برَبِّكَ ....لَمْ تَكُنْ تخجَلْ ؟

ثَلاثُونَ مَرّتْ مِنْ عُمْرٍِ

الشعب المِصْرِي الحُرِِّ

مَا بَينَ المَدِّ وَ الجَزرِ

فَذَابَت شَمعَةُ الصّبْرِ

و مَن كَان شَعْبَكَ فِي المَاضِي

مَا عَادَت نَفْسُهُ تَتَحَمّلْ

لاَ لَن تَرحلْ... حَتّى تُجِيبَ إذا نَسْأَلْ

عَن ثرَوَات الوزَرَاءْ

وَ خِدْمَةِ أَجنِدَةِ الأَعدَاءْ

و فَتح سَفَارَة إسرَائيل

مُقَابلَ شِبْرٍ مِنْ سِينَاءْ

و عَنْ سُجُونٍ امتلَأَتْ

وَ مِصَحّاتٍ قد اهترَأَتْ

وَ أَلفُ مَسيرةٍ قُمِعَتْ

كَانَت تقول لَن نقبلْ

لَنْ نَبْقَى سُكانَ مَلَاجِئْ

وَ سَنبقَى نصرخُ و نُنَاوِئْ

لَنْ نَقبَلَ حُكْماََ قمعيا

يُدِينُ بِقَانُونِ طَوَارِئْ

لَا تَتوهمْ ....

هَيْهَاتَ ... إنكَ لَنْ ترحلْ

حَتى نسْمَعَ مِنْكَ جَوَابَا

يُمِيطُ عَنْ جَرَائِمِكَ النقَابَا

ولما لَنْ تَجدَ التبريرْ

سَتَحْكم سَاحةُ التحريرْ

بأن حانَ الوقت لِتَتَرَجلْ


عن حُكْمِ شَعْبٍ مِصرِيٍ


أَلْقَاكَ فِي الدرَكِ الأسفلْ
........................................................................
منقول .. ابكي يا أهبل يا عبيط ياللي بكيت على فرعون وصدقته إنه بيحب الوطن واعرف إنه سرق منك ومن الوطن..
70 مليار دولار
والي مش عارف يساووا كام دول بالجنية يضرب نفسه خمس تقلام يبقى المجموع
350 مليار جني يعني جنيه
واللي ما يعرفش يعني ايه مليار و يطلعوا كام يضرب نفسه ألف برطوشة أديمة يبقوا
350 ألف مليون جنيه !!!! 
وابكي يا أهبل يا عبيط وبرياله على كل يوم من 30 سنة فاتوا عليك وكل يوم بتتقلب وبتتنهب في حب مصر
وابكي يا أهبل ويا عبيط وبرياله على كل واحد مات من غير علاج أو سرق أو قتل أو كفر عشان معهوش حتى الكفاف
وابكي على 40% تحت خط الفقر مش لاقين حتى دولار
وابكي على نص شعبك أمي وجاهل ومبيعرفش يفك الخط و يقرا زيك الجرنال
وميعرفش يعد من واحد لعشرة ولا يعرفش الدولار من الزرار
وابكي على بلد نهبوها ونهشوها الديابة وقطعوا توبها حتت وسففوها التراب واغتصبوا أرضها و عرضها وضحكوا من صراخها ورعبها وسخروا من دموعها وقهرها
(خليهم يتسلوا !!!)
وابكي على يوم ميلادك ويوم مماتك وانت عايش ذليل مطاطي بتنضرب على قفاك كل ثانية في عمر أجلك ومن أجلك أنت بيضربوك بالقفا ليل نهار !!
وابكي يا اهبل يا عبيط وبرياله وانت ماسك بتلابيبه وتقوله متسبنيش يا فرعوني الوفي المحب المخلص للوطن يا كبير يا بويا وأمي وخالتي وكل عليتي ورمز بلدي يا طيار
يا بطل الأبطال فداك أولادي و أحفادي وقفاهم قفايا وعرضهم عرضي , كمل جميلك يا أمني وربي وصنمي ومتسيبهمش لاحسن نضيع ومنلقيش اللقمة تاني ,
كمل جميلك ياريس وورث عرشك وجبروتك وجنودك بملتوفك وجمالك وحميرك وبغالك وبلطجية ديولك بمطاويهم وسيوفهم وسكاكينهم عشان أموت وأنا مطمن عليهم وعلى قفاهم وعرضهم ,
سأظل دايما مفعول بي لأجلك أنت 
سأظل دايما أبوس القدم وأبدي الندم على غلطتي في حق الصنم
ابكي يا اهبل يا عبيط وبرياله واتفرج على القناة الأولى والتانية والمحور واقرا لسرايا لحد ما تخش السرايا
واتفرج على فيلم البرىء وعش دور أحمد ذكي و البس توب عسكري الأمن المركزي وطالب بحرق أبطال الميدان أعداء الوطن !!!!
ماللي قتل سيدنا عمر وعثمان وعلي كانوا خايفين عل الوطن !!!!
نفس العبط , نفس الهطل , نفس العمى , نفس الفتن !!!!
ابكي يا اهبل يا عبيط بعينك الحولة اللي شايفه الديب حمل والشيطان ملاك
ابكي على نفسك واعرف إنك مش حتنجى من فتنة الدجال
لأنك شفت النار جنة تحتها الأنهار
العبط حيغرقونا
العبط حيضيعونا
والمنتفعين عايزين يكملوا المشوار
بعد ما قربنا نعيش أحرار
أفيقوا يرحمكم الله
واحسبوا كام جنيه في ال 70 مليار دولار
واحسبوا تمن اللي ماتوا و اللي استشهدوا وتمن ليالي الرعب والخوف والسهر
وتغيير شعار ابني بيتك باحمي بيتك
واحسبوها لو قدرتوا تحسبوها وحطوا جنب ال70 مليار صفر مالا نهاية من الأصفار
***********
ويارب نجنا ولا تؤاخذنا بما فعل السفهاء منا وبنا
يارب نجنا من فرعون وعمله وبطانته وبلطجيته وفتنته
يارب أغثنا
ياااااااااااااااارب أغثنا ومدنا بجنودك
ياااااااااااارب , افرغ علينا صبرا وثبت أقدامنا وانصرنا على القوم الكافرين
ياااااااااارب اهلك الظالمين بالظالمين واخرجنا منها سالمين 
اللهم آااااااااااااااامين"

هناك 5 تعليقات:

  1. شاطر جدا و اوعى حد يحبطك او يهبط معنوياتك دول مش فاهمين يعنى ايه ثورة و فاهمينها مظاهرة و خلاص

    الشباب الرائع اللى زيك لازم هو اللى يقود

    ردحذف
  2. يااااااااااااااااااااااااااااااااااه... وألف ياه، فينك من زمان إنت وكلامك وأنا طالع عيني مع أصحاب عقدة ستوكهولم، الناس استلذت واستعذبت العذاب حتى عجزت عن نسيان الضرب على القفا والعيشة الكريمة، وأصبحت خايفة تنام من غير خوف، وشايلة هم تصحى تلاقي معاها فلوس، وخايفة ولادها يروحوا المدارس يتعلموا، أو يتخرجوا ويعرفوا يتجوزوا...

    تعبت والله أيام، إنتوا يا أبطال مشغولين بتحرروا مصر في ميدان التحرير من الذل والعبودية والإهانة والناس بتقول عليكم مجانين... أقولهم هايسرقوكم بمباركة مبارك يقولوا عيال ماجابوش إلا الخراب، ماعرفتش أحارب في الميدان وقفت أحارب في المواقع... ويااااااااااه كنت في نظرهم المجنون الوحيد اللي بيولعها وبيخرب البلد من فيس بوك ليوتيوب لإجابات جوجل، الناس أدمنت الإهانة والذل وضياع الكرامة لدرجة خايفة على مبارك مش على البلد

    ردحذف
  3. خافوا على مصر الرئيس تنحى لنائبه كفاكم انظروا لمستقبل البلاد على وشك الانهيار

    ردحذف